რა რისკებს ქმნის სქესობრივი პარტნიორების ხშირი ცვლა

ჯანმრთელობა - 18:43, 14 Jun, 2014

45127

სქესობრივად აქტიური ადამიანების ჯანმრთელობისათვის საკმაოდ დიდი რისკები არსებობს. გარდა სხვადასხვა ვენერიული დაავადებებისა არსებობს სიციცხლისთვის სახიფათო პაპილომა ვირუსი.

ჩვენს დროში გავრცელებულ ვირუსებს შორის ერთ–ერთი რთულად მართვადი პაპილომა ვირუსია, პაპილომა ვირუსი სქესობრივი გზით გადამდები ერთ–ერთი დაავადებაა, რომელმაც შეიძლება ადამიანი ლეტალურ შედეგამდე მიიყვანოს.

სქესობრივად აქტიური ადამიანების დაახლოებით 45– 50% ცხოვრების რომელიმე ეტაპზე ინფიცირდება ადამიანის პაპილომავირუსით. ვირუსის ატუალურობა უმთვრესად განპირობებულია იმით, რომ მას შეუძლია გამოიწვიოს საშვილოსნოს ყელის კიბო, რაც ქალებში მკერდის კიბოს შემდეგ სტატისტიკურად მეორე ადგილზეა.

არსებობს პაპილომა ვირუსის (HPV) 100 მეტი ტიპი. არჩევენ დაბალი და მაღალი რისკის პაპილომა ვირუსებს, ამ ვირუსით ინფიცირებულთა დაახლოებით 30% ერთდროულად აქვს ამ ვირუსის რამდენიმე ტიპი.

პაპილომავირუსის გადაცემა მხოლოდ სქესობრივი გზით ხდება.

ინფიცირებულთა რისკ ჯგუფებს წარმოადგენს:

ადამინები რომლების ხშირად იცვლიან პარტნიორებს;
25 წელზე ნაკლები ასაკი;
ნაადრევ ასაკში პირველი სქესობრივი კონტაქტი.

შემთხვევათა უმრავლესობა უსიმპტომოდ მიმდინარეობს. ხშირად ორგანიზმიდან ვირუსის გამოდევნა ერთ-ორ წელიწადში ხდება, 10–15%-ს კი პერსისტენტული (მუდმივი) პაპილომავირუსული ინფექცია უვითარდება.

მაღალი რისკით ინფიცირებულ ადამინებში ლორწოვან გარსში ვითარდება საშვილოსნოს ყელის კიბოს ცვლილებები, რასაც შემდეგ კიბოს ჩამოყალიბება მოსდევს.

ვირუსით გამოწვეული ის ცვლილებები, რომლებიც ყველაზე დიდ საფრთხეს უქმნის ქალის ჯანმრთელობას, საწყის ეტაპზე სრულიად შეუმჩნეველია. იმისთვის რომ ქალებმა თავი დაიცვან საშვილოსნოს ყელის კიბოსგან გამოკვლევების ჩატარება მეტად მნიშვნელოვანია.

დაბალი რისკის პაპილომავირუსები იწვევს გენიტალიური მეჭეჭების განვითარებას. ისინი სხვადასხვა ფორმის, ზომის და რაოდენობისაა - ეს წანაზარდები უმთავრესად საშოს, ანუსის, საშვილოსნოს ყელის, ასოს, საზარდულის არეებში ჩნდება. ვირუსის მქონე ადამიანთან სქესობრივი კონტაქტიდან გარკვეული პერიოდის შემდეგ.

რა გართულება შეიძლება მოყვეს მამაკაცებში პაპილომა ვირუსს?

მამაკაცებში მაღალი რისკის პაპილომავირუსით ინფიცირებას, შესაძლოა მოჰყვეს ასოსა და ანუსის კიბოს განვითარება, თუმცა ეს ბევრად უფრო იშვიათია, ვიდრე ქალებში საშვილოსნოს ყელის კიბოს განვითარება.

ჰამბურგის ლაბორატორია გთავაზობთ პაპილომავირუსის (HPV) გენოტიპირებას, რომელიც გულისხმობს ვირუსის ყველა ტიპზე, როგორც მაღალი ასევე დაბალი რისკის განსაზღვრას.

გისურვებთ ჯანმრთელობას