აზერბაიჯანის დემოკრატიული პარტიის თავმჯდომარის სარდარ ჯალალოღლის განცხადებით, თუ რუსეთს სურს, აზერბაიჯანის მოკავშირე გახდეს, მან აზერბაიჯანს ისტორიული მიწა – დაღესტანი უნდა დაუბრუნოს.

„მოკავშირეობას ადგილი მხოლოდ მაშინ ექნება, როდესაც რუსეთი ჩვენს ისტორიულ მიწას – დაღესტანს დაგვიბრუნებს. ამასთან, ის მიწებიც უნდა დაგვიბრუნდეს, რომლებიც წაგვართვეს და სომხეთს გადასცეს. ნამდვილი პარტნიორობისთვის აზერბაიჯანი მხოლოდ ამ პირობებში იქნება მზად. ამჟამინდელ ვითარებაში რუსეთთან თანამშრომლობა მხოლოდ ეკონომიკურ სფეროში შეგვიძლია. საერთოდაც, თუ კი აზერბაიჯანში ვინმე რუსეთთან მოკავშირეობაზე ფიქრობს, მას ისტორიული ცნობიერება და აზერბაიჯანელი ხალხის ეროვნული ინტერესების დაცვის ცნობიერება აკლია",- განაცხადა ჯალალოღლუმამის აზერბაიჯანული პორტალისთვის მიცემულ ინტერვიუში.

აზერბაიჯანის ყოფილმა სახელმწიფო მრჩეველმა ვაფა გულუზადემ განაცხადა, რომ აზერბაიჯანული მიწების ოკუპაცია არა სომხეთმა, არამედ რუსეთმა მოახდინა.

„ბაროზუსა და ლავროვის ვიზიტების შემდეგ აზერბაიჯანის არჩევანი გახდება ცნობილი. აზერბაიჯანი მისთვის საშიშროების შემცველი რუსეთისკენ ვერ წავა. ალბათ, რუსეთს აზერბაინში ეთნიკური საკითხის გაღვივების სურვილი ამოძრავებს. ადრე ლეკების საკითხი წამოიჭრა. მაგრამ თუ ახლა ეს საკითხი კვლავ ამოტივტივდება, მაშინ აზერბაიჯანის წინააღდმეგ არა ლეკები, არამედ რუსები გაილაშქრებიან",- განაცხადა გულუზადემ.