ევროკომისიის პრეზიდენტის ვიზიტი საქართველოსა და მოლდოვაში, ევროკავშირთან ასოცირების ხელმოწერის წინ, ხაზს უსვამს ევროკავშირის მხარდაჭერას ამ ქვეყნების მიმართ. ამის შესახებ ევროკომისიის მიერ გავრცელებულ განცხადებაშია ნათქვამი.

მათივე ინფორმაციით, ჟოზე მანუელ ბაროზუ საქართველოსა და მოლდოვას შემდეგ ომხრივი მოლაპარაკებების მიზნით აზერბაიჯანს ეწვევა.

როგორც განცხდებაშია აღნიშნული, ევროკომიის პრეზიდენტი მოლდოვაში 11-12 ივნისს გამართული ოფიციალური შეხვედრების შემდეგ, 12 და 13 ივნისს საქართველოს ეწვევა.

"ჟოზე მანუელ ბაროზუ საქართველოში ქვეყნის პრემიერ-მინისტრს ირაკლი ღარიბაშვილსა და პრეზიდენტ გიორგი მარგველაშვილს შეხვდება. ასევე გახსნის და სიტყვით გამოვა საინვესტიციო კონფერენციაზე. საქართველოში ეს პრეზიდენტ ბაროზუს პირველი ვიზიტია", - ნათქვამია ევროკომისიის განცხადებაში.