თავდაცვის სამინისტროს ყოფილი მაღალჩინოსანი ოთარ ბაზაძე გვიან ღამით მოდულის შენობაში ერთი საათის განმავლობაში იკითხებოდა. ბაზაძე ბაჩო ახალაიას მინისტრობის პერიოდში თავდაცვის სამინისტროში შესყიდვების სამსახურს კურირებდა.

ის დასაკითხად მაშინ გადაიყვანეს, როდესაც თბილისში მეუღლესთან ერთად გადაადგილდებოდა. მოდულის შენობასთან იმყოფებოდნენ მისი ახლობლებიც. მათი განცხადებით, ეს არ არის პირველი შემთხვევა, ისინი პოლიტიკურ მოტივებზე მიუთითებენ და მომხდარს ბაჩო ახალაიას უკავშირებენ.

დაკითხვის შემდეგ ბაზაძეს მედიასთან კომენტარი არ გაუკეთებია და უცნობია რა საქმეზე ჰქონდათ კითხვები სამართალდამცველებს.

შინაგან საქმეთა სამინისტროში კომენტარს არ აკეთებენ.