რუსეთის ფედერაციის საგარეო საქმეთა მინისტრის სერგეი ლავროვის განცხადებით, რუსეთი უკრაინას სანქციებს არ დაუწესებს ევროკავშირთან ასოცირების შეთანხმების ხელმოწერის შემთხვევაში:

"თუ ისინი აირჩევენ ევროკავშირთან ასოცირების შეთანხმებას, რომელიც უკრაინის ვალდებულებებს ეწინააღმდეგება, რომელიც მას დსთ-ს თავისუფალი სავაჭრო ზონის ფარგლებში აქვს აღებული, ეს ვალდებულებები შეწყვეტენ ქმედებას და უკრაინასთან სავაჭრო ურთიერთობებში რუსეთი მეტი უპირატესობის რეჟიმს დაუბრუნდება. ეს ნორმალური სავაჭრო რეჟიმი იქნება და არა რაიმე სახის სანქციები. ჩვენი ზოგიერთი პარტნიორისგან განსხვავებით, რუსეთი არ არის შეპყრობილი სანქციების დაწესებით", - აღნიშნა სერგეი ლავროვმა პოლონელ და გერმანელ კოლეგებთან შეხვედრის შემდეგ გამართულ პრესკონფერენციაზე.