ისრაელის მომავალ პრეზიდენტად ქნესეთმა პარტია „ლიკუდის“ დეპუტატი რეუვენ რივლინი აირჩია.

The Jerusalem Post-ის მიერ გავრცელებული ინფორმაციის თანახმად , საპრეზიდენტო არჩევნების მეორე ტურში რეუვენ რივლინმა 63 ხმა მიიღო. მისი მთავარი მეტოქე პარტია "ჰათნუას" წევრი მეირ შიტრითი იყო, რომელმაც 53 ხმა მიიღო.

რივლინი ისრაელის რიგით მეათე პრეზიდენტი გახდება და ამ პოსტზე ქვეყნის მოქმედ პრეზიდენტს შიმონ პერესს შეცვლის, რომელიც თანამდებობას ოფიციალურად ივლისში დატოვებს.