ხარკოვი-როსტოვის მონაკვეთზე მოქმედებს გაურკვეველი შეიარაღებული დაჯგუფება, - ეს ინფორმაცია გახდა ცნობილი დახურული ინტერნეტ კავშირის ZELLO-ს მოსმენის შდეგად, რომელსაც რუსი ტერორისტები იყენებენ.

სეპარატისტების მიერ ერთმანეთისთვის გადაცემული ინფორმაციიდან ირკვევა, რომ რუსების წინააღმდეგ ახალი მტერი გამოჩდა, რის გამოც ისინი პანიკაში არიან. ჟურნალისტი რომან ბურკო აღნიშნავს, რომ მარტო 7 ივნისს რუსებმა დაკარგეს 5 ადამიანი, ისე რომ მოწინააღმდეგის მხრიდან მსხვერპლი არ არის.

რუსი ტერორისტები ყურადღებას ამახვილებენ უჩინარი მოწინააღმდეგის ქცევის თავისებურებებზე, რაც იმაზე მიანიშნებს, რომ პარტიზანულ ჯგუფებში არიან ადგილობრივი მოსახლეობის წარმომადგენლები.

„სპეციალისტების მიერ ყველა სახის ინფორმაციის გაანალიზების შედეგად დგინდება, დონბასში ამოქმედდა დამოუკიდებელი პარტიზანული უჯრედები, რომლებიც იბრძვიან ტერორისტებისა და რუსი სეპარატისტების წინააღმდეგ", - აღნიშნავს ჟურნალისტი.