,,ციხის თემატიკის შესწავლა ჩვენ გვაძლევს იმის თქმის საფუძველს, რომ ციხის ცხოვრება იყო დანაშაულებრივი და გამონაკლისი ხასიათი ჰქონდა უფლებების არდარღვევას. ჩვენ ვაჯგუფებთ მსგავს საკითხებს, ვაჯგუფებთ პირებს, ვის მიმართაც ჩადენილია მეტ-ნაკლებად იდენტური დანაშაული, ასევე, პირებს, ვინც ეს ჩაიდინა და ვახდენთ მათ შესწავლას. ამას გარკვეული დრო სჭირდება. ეს არის ისეთი ინფორმაციული ნაკადი, რომელშიც ისეთი სისასტიკის ინფორმაციები გვხვდება, რომ მათ ჯეროვან შესწავლას და გადამოწმებას საკმაო დრო სჭირდება", - აღნიშნა მთავარმა პროკურორმა

გენერალური პროკურორი გამოეხმაურა დღეს სახელმწიფო დეპარტამენტის წარმომადგენლების  ვიზიტს და განაცხადა, რომ მათპროკურატურაში მიმდინარე რეფორმები აინტერესებდათ.

,,ბუნებრივია, საუბარი შეეხო დაკავებებსაც. მათი დაინტერესება შეეხო იმას, თუ რამდენად საფუძვლიანად ხორციელდებოდა ჩვენს მიერ დაკავება და რამდენად არსებობს გამჭვირვალობის ის აუცილებელი მინიმალური დონე, რომელიც ასეთ საქმეებზე საზოგადოების ინტერესებს აკმაყოფილებს. ყველა ამ საკითხზე ჩვენ ამომწურავი პასუხი გავეცით. მათთან საუბრის ბოლოს მე დამრჩა აღქმა იმის, რომ საუბარი დავასრულეთ ძალიან მაღალი დონის ურთიერთგაგებით", - აღნიშნა მთავარმა პროკურორმა.

გარდაბნის გამგებლის მოადგილე მანუჩარ ჯოხაძის თვითმკველობის საქმესთან დაკავშირებით არჩილ კბილაშვილმა განაცხადა:

,,საქმე აღძრულია თვითმკვლელობამდე მიყვანის მუხლით, დანარჩენს გამოძიება დაადგენს. რაც დადგინდება, გამოვიტანთ დღის სინათლეზე. არავის ინტერესში არ შედიოდა რაიმე ისეთი ქმედების განხორციელება ამ ადამიანის მიმართ, რომელიც ჩვენს თვალსაწიერში რაიმე ეჭვს წარმოშობდა. რაც შეეხება იმ ადამიანებს, ვისაც აქვთ განსხვავებული პოლიტიკური შეხედულებები, მათი უფლებაა გამოხატონ აზრი და, ამდენად, მათ კომენტირებას ამ შემთხვევაში მე არ შევუდგები", - აღნიშნა კბილაშვილმა.