„აღმოსავლეთ უკრაინაში ცეცხლი ამ კვირაშივე უნდა შეწყდეს“, - ამის შესახებ უკრაინის პრეზიდენტმა პეტრე პოროშენკომ განაცხადა.

პოროშენკოს პრესსამსახურის ინფორმაციით, აღნიშნული განცხადება აღმოსავლეთ უკრაინაში კრიზისის დარეგულირების თაობაზე გამართულ სამმხრივი საკონტაქტო ჯგუფის შეხვედრაზე გააკეთა.

შეხვედრას ესწრებოდნენ ეუთო-ს გენერალური მდივნის სპეციალური წარმომადგენელი ჰაიდი ტალიავინი, რუსეთის ელჩი უკრაინაში მიხაილ ზურაბოვი და უკრაინის ელჩი გერმანიაში პაველ კლიმკინი.

"ჩვენ უნდა შევწყვიტოთ ცეცხლი ამ კვირაში. ჩემთვის მიუღებელია, როდესაც ყოველი დღე ადამიანები იხოცებიან, როდესაც უკრაინა ასეთ მაღალ ფასს იხდის", - განაცხადა პეტრო პოროშენკომ.