1. ანგელა მერკელი ერთ-ერთი პირველი იყო, რომელიც შეხვდა პირისპირ ვლადიმირ პუტინს ყირიმის ოკუპაციის შემდეგ.

ადვილი შესამჩნევია შორიდან გაწვდილი ხელი და მისალმება დისტანციაზე, ,,ეს არის მერკელის ყველაზე ცივი შეხვედრა რაც კი მინახავს"- აცხადებს 25 წლიანი გამოცდილების მქონე ექსპერტი ჯო ნავარო, რომელსაც ხშირად იწვევს ფედერალური ბიურო მნიშვნელოვანი ტიპის დასკვნების გასაკეთებლად. ,,პუტინი გამოიყურება ძალიან დაძაბულად, ის აშკარად შებოჭილია და თავს ვერ გრძნობს მყარად"- აღნიშნავს ნავარო.

,,ცნობილია, რომ მერკელი მოსაუბრესთან მიდრეკილია ფიზიკური კონტაქტისკენ, მას უყვარს სახის ახლოს მიტანა, გადახვევა და ბრძოლა იუმორით. აქ მერკელი აშკარად ოფიციალურია, ჩვენ ვხედავთ ხელის ჩამორთმევას მაქსიმალური დისტანციით, ისინი ცდილობენ ერთმანეთისთვის სიმტკიცისა და ძალის დემონსტრირებას. პუტინის სახის გამომეტყველებიდან ჩანს, რომ მან არ იცის რას შეიძლება ელოდოს კანცლერისგან."

ექსპერტ ჯუდი ჯეიმსის აზრით, ანგელა მერკელის აწეული წარბები განსაკუთრებულად მიანინიშნებს მკაფიო უკმაყოფილებაზე. ეს არის მკაცრი მასწავლებლის ტიპიური მიმიკა.

2. ფოტო გადაღებულია, როდესაც ლიდერები ემზადებოდნენ ოფიციალური ფოტოსესიისთვის.

,,ფოტო საოცრად სიმბოლურია - აღნიშნავს ჯო ნავარო - დასავლელი ლიდერების მეგობრული კომპანია და პუტინი, რომელიც გამოიყურება გაბუტული იმის გამო, რომ თანატოლები სათამაშოდ არ იღებენ."

3. ფოტო, რომელზეც არ არის პუტინი, მაგრამ ექსპერტების ყურადღება მიიქცია.

,,ობამამ პრინც ჩარლზს აშკარად რაღაც სასაცილო უთხრა, მაგრამ ამის მიღმა იკვეთება უფრო მთავარი, რომ ორი მამაკაცი ერთმანეთისადმი სიმპატიითაა განწყობილი."- მიაჩნია ნავაროს.

ექსპერტების აზრით განსაკუთრებით თვალში საცემი ისაა, რომ პირველივე ოფიციალური ხელის ჩამორთმევისას, რომელიც როგორც წესი ხანმოკლეა და საკმაოდ ფორმალური, მათ იპოვეს დრო და საბაბი მხიარულებისთვის.