პროექტის - "ოჯახში ძალადობის სამართლებრივი მექანიზმები"-ს ფარგლებში, ოჯახში ძალადობის საკითხებზე შსს-ს კახეთის სამხარეო მთავარი სამმართველოს თანამშრომელთა კვალიფიკაციის ასამაღლებელი სწავლება ქალაქ საგარეჯოში ჩატარდა. ამავე პროექტის ფარგლებში, ქალაქ თელავში გაიმართა "ღია დისკუსია ოჯახში ძალადობის თემაზე", რომელსაც ესწრბოდნენ შს სამინისტროს, პროკურატურის, სოციალური სამსახურების და სასამართლოს წარმომადგენლები.

პროგრამა შინაგან საქმეთა სამინისტროს და არასამთავრობო ორგანიზაცია "ძალადობისგან დაცვის ეროვნული ქსელი"-ს თანამშრომლობით ხორციელდება და დაფინანსებულია გაეროს ქალთა ორგანიზაციის მიერ.

პროექტის ფარგლებში სამართალდამცველთა ტრენინგები საქართველოს ყველა რეგიონში ჩატარდება. ასევე გაიმართება შესაბამისი სტრუქტურების წარმომადგენელთა მონაწილეობით დისკუსიები უწყებების კოორდინაციის დახვეწის მიზნით.