„ბავშვსაც არ სჯერა იმის, რომ პროკურორები სემინარებზე არიან“, - ასე გამოეხმაურა თბილისის უფლებაშეჩერებული მერი გიგი უგულავა ის ფაქტს, რომ სასამართლო პროცესზე პროკურორები არ გამოცხადდნენ.

სასამართლოს დღევანდელ სხდომაზე, სადაც უგულავას მერის უფლებამოსილების აღდგენის საკითხთან დაკავშირებით გადაწყვეტილება უნდა გამოცხადებულიყო, პროკურორები მივლინების მოტივით არ გამოცხადდნენ.

"დღეს უნდა ყოფილიყო ჩემი შუამდგომლობის განხილვა, რომელიც ეხება ჩემი უფლებამოსილების აღდგენას. პროკურატურა შეეცდება ჩემი უფლებამოსილების ამოწურვამდე ეს დრო გაწელოს. 15-ში უკვე არჩევნებია. ჩემთვის მნიშვნელოვანი მერად აღდგენა კი არ არის, ეს საკითხი იმიტომ დავაყენე, რომ 15-ში, როცა საქართველოს მოსახლეობა აირჩევს მერებს და გამგებლებს, ისევ ისეთი პარტიზანული წესით არ მოხდეს მათი გადაყენება. ეს არის შავი ხვრელი, რომელიც ახალმა ხელისუფლებამაც დატოვა ძალაში", - განაცხადა გიგი უგულავამ.

პროკურორები განცხადებაში მოსამართლეს პროცესის 10 დღით გადადებასაც სთხოვენ. ისინი აცხადებენ, რომ მათ ზედამხვედველობა უნდა განახორციელონ ერთ-ერთი სისხლის სამარლის საქმეზე და დაესწრონ კიბერდანაშაულთან დაკავშირებულ სემინარს.