თბილისის უფლებამოსილებაშეჩერებული მერის გიგი უგულავას სასამართლო პროცესის გადადების მიზეზად პროკურორების მივლინება, კერძოდ სემინარზე წასვლა დასახელდა. აღნიშნულთან დაკავშირებით საქმის პროკურორთა განცხადება სხდომაზე ცოტა ხნის წინ მოსამართლე მაია შოშიაშვილმა წაიკითხა.

მოსამართლემ განმარტა, რომ პროკურორებმა სასამართლოს გუშინ, სამუშაო დღის დამთავრებამდე 8 წუთით ადრე მიმართეს განცხადებით, სადაც აღნიშნავენ, რომ ბათუმში 10- დღიანი მივლინების გამო, პროცესზე დასწრებას ვერ შეძლებნენ.

პროკურორები განცხადებაში მოსამართლეს პროცესის 10 დღით გადადებასაც სთხოვენ.