შეხვედრაზე ისეთი საკითხები განიხილება, როგორიცაა სასჯელის ინდივიდუალიზაცია, სასჯელის დანიშვნა დანაშაულთა ერთბლიობისას.

ინიციატივები განსახილველად იუსტიციის სამინისტროს გადაეცა, მრგვცალი მაგიდის ორგანიზატორები არიან ,,გაეროს განვითარების პროგრამა’’ და ,,ნორვეგიის კანონის უზენაესობის მრჩეველთა მისია’’.

გაეროს განვითარების ფონდის ხელმძღვანელი ინიტა პაულოვიჩას განცხადებით, საქართველოში სასამართლო სისტემის დამოუკიდებლობა ძალიან მნიშვნელოვანია და დღეს ის ყველგან განხილვის მთავარი თემაა,

,,გაეროს განვითარების პროგრამა მხარს უჭერს საჯარიმო განხილვებს. საზოგადოებაში არსებობს განსხვავებული მოსაზრებები, რომ სხვადასხვა ვარიანტის საჯაროდ განხილვა არ ხდება, სწორედ ამიტომ მოვიწვიეთ სპეციალისტები და მათგან კონკრეტულ რეკომენდაციებს ველით,’’-აცხადებს გაეროს განვითარების ფონდის ხელმძღვანელი.

ექსპერტი კახა წიქარიშვილი მოსამართლეებისთვის სხვადასხვა უფლებების მინიჭების აუცილებლოაბზე საუბრობს,

,,მოსამართლეს უნდა ჰქონდეს შესაძლოებლობა, რომ საკუთარი ინიციატივით, თუ არსებობს შემამსუბუქებელი გარემოებები, ჩამოვიდეს სასჯელი მინიმუმზე დაბლა და ამაში არ დაჭირდეს მხოლოდ პროკურორის შუამდგომლობა, ასევე მოსამართლეს უნდა შეეძლოს გამოიყენოს პირობითი სასჯელი, თუ ხედავს, რომ პიროვნება არ საჭიროებს პატიმრობას, მოსამართლეს ასევე უნდა შეეძლოს დანაშაულთა ერთობლიობის დროს ან შეკრიბოს სასჯელი, ან ნაწილობრივ შეკრიბოს ან შთანთქოს. დღევანდელი კანონი ითვალისწინებს მხოლოდ შეკრებას, რაც იწვევს ძალიან მკაცრ სასჯელებს’’-აცხადებს ექსპერტი კახა წიქარიშვილი.