უკრაინული მედიის ინფორმაციით, დონბასში, ანტიტერორისტული ოპერაციის შედეგად, უკრაინელმა ძალოვნებმა გუშინ 500-ზე მეტი ტერორისტი გაანადგურეს.

liga.net-ის ცნობით, სპეცოპერაციის შედეგად დაჭრილია ათასზე მეტი ტერორისტი.

უკრაინის პრეზიდენტობის მოვალეობის შემსრულებლის ალექსანდრე ტურჩინოვის თქმით, რამდენიმე ასეული ტერორისტის განადგურება უახლოეს მომავალში იმის პერსპექტივას ქმნის, რომ ცენტრალური დონბასი მთლიანად გაიწმინდება ტერორისტებისგან.

დონბასში ტერორისტების წინააღმდეგ სპეცოპერაცია გუშინ მთელი დღის განმავლობაში გაგრძელდა.