დილის 8 საათზე ყირიმში მდებარე, კიევის საპატრიარქოს დაქვემდებარებაში მყოფი ღვთისმშობლის სახელობის ეკლესიაში კაზაკების ფორმაში ჩაცმულმა შეიარაღებულმა პირებმა კარი შეამტვრიეს.

ამის შესახებ კიევის საპატრიარქოს პრესსამსახური იტყობინება.

თავდამსხმელებმა დაიკავეს ტაძრის შიდა ნაწილი, რათა წინამძღვარი ივა კატკალო არ შეეშვათ მსახურების შესასრულებლად.

როდესაც წინამღძვარი მობრძანდა, თავდამსხმელები ლანძღვა-გინებით დაესხნენ თავს და დაამტვირეს მისი ავტომობილი. მრევლი შეცადა სასულიერო პირების დაცვას, თუმცა ისინიც დაშავდნენ. კერძოდ ფეხმძიმე ქალბატონს სხეულზე აღენიშნება დარტყმებისგან მიყენებული დაზიანებები, დაზარალებულთა შორის არის მამა იოანეს ქალიშვილი, რომელიც ცერემბრალური დამბლითაა დაავადებული.

საპატრიარქო თვლის, რომ ეს თავდასხმა კარაგდ მართვადი და დაგეგმილი აქციაა.

დახმარებისთვის ტაძრის წინამღძვარმა პოლიციას მიამრთა, თუმცა ისინი ადგილზე სამი საათის შემდეგ მივიდნენ, რომლებმაც თავდამსხმელების მხარე დაიჭირეს.

როგორც კაზაკი თავდამსხმელები, ასევე მილიციის წარმომადგენლები თავიანთ ქმედებას იმით ხსნიდნენ, რომ ,,კიევის პატრიარქი ეწევა ანტირუსულ ქმედებებს როგორც უკრაინაში, ასევე ყირიმში“.

ნიშანდობილვია, რომ მთელ ამ თავდასხმას წინ უძღოდა მოსკოვის საპატრიარქოს წარმომადგენლის შეხვედრა და საუბარი ყირიმში უკრაინული ტაძრის წინამძღვართან, რომელმაც მოსთხოვა მას, დაეტოვებინა ტაძარი და არ აღესრულებინა მსახურება. ,,ეს არის შენი ბოლო დღეები ყირიმში“, - ასე მიმართა მან ტაძრის წინამძღლოს.

კიევის საპატრიარქო ძალადობრივი მოქმედებების გამო გამოთქვამს ცალსახა პროტესტს, რომელიც ჩადენილ იქნა ტაძრის, სასულიერო პირებისა და მრევლის წინააღმდეგ.

,,ჩვენ მოვითხოვთ რუსეთის ხელისუფლებისგან, დასრულდეს უკრაინული ეკლესიის სასულიერი პირების შევიწროება, ხოლო ისინი, ვინც ძალადობრივი ქმედებები განახორციელეს ან ხელს უწყობდნენ და დგანან ამ აქციის უკან, მათ შორის პოლიციის თანამშრომლები, უმოკლეს ვადაში მიეცენ პასუხისგებაში“ - აღნიშნეს კიევის საპატრიარქოში.