სოციალურად დაუცველთა შეხვედრა სერგეენკოსთან უშედეგოდ დასრულდა

საზოგადოება - 22:09, 12 Dec, 2012

332

მინისტრის თქმით, მან ყველა დაპირება პირნათლად შეასრულა და იგი სოციალურად დაუცველებს ფართის დაკანონებას არ დაჰპირებია. როგორც შეხვედრის მონაწილეები ამმბობენ, შეხვედრის დროს ჯანდაცვის მინისტრს პრემიერმა ბიძინა ივანიშვილმა დაურეკა, თუმცა რის შესახებ ესაუბრა პრემიერი ჯანდაცვის მინისტრს, უცნობია, რადგან სოციალურად დაუცველებმა მას განმარტებების გაკეთების საშუალება არ მისცეს, საუბრის დასრულება არ აცადეს და პროტესტის ნიშნად შეხვედრა დატოვეს.

მოგვიანებით მედიასთან კომენტარი გააკეთა ჯანდაცვის მინისტრის მოადგილე ირაკლი ნადარეიშვილმა. მისი თქმით, სოციალურად დაუცველი მოქალაქეების ზემოხსენებული მოთხოვნები ჯანდაცვის სამინისტროს კომპეტენციას სცდება.

,,ჯანდაცვის სამინისტრომ განახორციელა უკლებლივ ყველა ოჯახის ანკეტირება და შესწავლა. შემდგომ მთავრობამ დადგენილების შესაბამისად განახორციელა პროგრამა, რომელიც ითვალისწინებს გარკვეული ოჯახების ბინის ქირით უზრუნველყოფას მინიმუმ 6 თვის განმავლობაში. ამ პროგრამაში კვალიფიცირდა დაახლოებით 1 200 ოჯახი, საიდანაც 700-ზე მეტ ოჯახს გადარიცხული აქვს ბინის ქირის პირველი თვის საფასური 200 ლარის ოდენობით. ყველა დანარჩენი მოთხოვნა, რომელსაც აყენებენ ეს პირები, რაც დენით უზრუნველყოფასა და ფართების დაკანონებას შეეხება, ჯანდაცვის სამინისტროს კომპეტენციას სცილდება", - აღნიშნა ირაკლი ნადარეიშვილმა.