შს მინისტრმა ალექსანდრე ჭიკაიძემ ბათუმში გამართულ პოლიციელის პროფესიულ დღისადმი მიძღვნილ ღონისძებაზე სამართალდამცველებს სიტყვით მიმართა.

„მინდა თითოეულ პოლიციელს ვუსურვო თავიანთ საქმიანობაში კეთილსინდისიერი, წარმატებული მუშაობა და პირად ცხოვრებაში დამსახურებული, ქართული სიკეთე და წინსვლა.

სამინისტროს ყველა თანამშრომელი მოწოდებული ვართ, ვიყოთ ჩვენი ქვეყნის მოქალაქეების, და ჩვენი სამშობლოს უსაფრთხოების გარანტი. დარწმუნებული ვარ, რომ ყველა ღირსეული ოფიცერი თავის ქვეყნისა და მისი შვილების საკეთილდღეოდ სიცოცხლესაც არ დაინანებს.

სამწუხაროა, რომ მრავალი დამსახურებული ოფიცერი ჩვენს გვერდით აღარ არის. მე მათგან მრავალს ვიცნობდი. მინდა მივულოცო იმ ოჯახებს, რომლებმაც თავიანთი შვილები, ვაჟკაცი ქართველები შეწირეს ქვეყნის კეთილდღეობას. ვულოცავ მათ ოჯახებს, მათ შვილებს და დარწმუნებული ვარ, ეს ოჯახები მათით ამაყობენ. ასევე დარწმუნებული ვარ, რომ თითოეული ჩვენგანი, მათ შვილებსა და ოჯახებზე განსაკუთრებულად იზრუნებს", - განაცხადა ჭიკაიძემ.