საზოგადოებრივი მაუწყებლიდან 600 თანამშრომელს უშვებენ

საზოგადოება - 19:56, 12 Dec, 2012

439

მაუწყებლის ხელმძღვანელობის ეს გადაწყვეტილება უწყებაში აუდიტის სამსახურის შესვლასა და დარიცხულ დავალიანებას უკავშირდება.
,,საზოგადოებრივი მაუწყებლის" ხელმძღვანელის, გია ჭანტურიას, განცხადებით, მომავალი წლიდან უწყებიდან თანამშრომელთა გარკვეული ნაწილი გათავისუფლდება, თუმცა, მათი რაოდენობა 600 ნამდვილად არ იქნება, თუმცა, გასათავისუფლებელ თანამშრომელთა რაოდენობას ამ ეტაპზე არ ის ახმაურებს.
,,რა თქმა უნდა, გარკვეული ოპტიმიზაცია დაგეგმილია, მაგრამ 600 კაცი ნამეტანი დიდი ციფრია. ზუსტ ციფრს ვერ გეტყვით, მაგრამ ახალი წლის დასაწყისში გარკვეული რაოდენობის თანამშრომელთა შემცირება მოხდება. რაც შეეხება იმას, რომ ჩვენი ბიუჯეტი მომავალი წლიდან უფრო მწირი იქნება, ეს პირველ რიგში სხვა ხარჯებზე აისახება, კადრების ოპტიმიზაცია კი ნებისმიერ შემთხვევაში განხორციელდებოდა", - განაცხადა გია ჭანტურიამ.
მისივე თქმით, შედარებით მწირი ბიუჯეტის მიუხედავად, მომავალი წლიდან თანამშრომლებს ხელფასები არ შეუმცირდებათ და, საჭიროების შემთხვევაში, ანაზღაურების კლება შესაძლოა, მხოლოდ ხელმძღვანელი პირების ხელფასზე აისახოს.
,,ხელფასის შემცირება გამორიცხულია, თუ რამოდენიმე პიროვნება პოზიციას შეიცვლის, მხოლოდ მაგ შემთხვევაშია შესაძლებელი, ისე, პირიქით, რაღაც პოზიციებზე ხელფასის მატებაც მოხდება. თუ ვინმეს ანაზღაურება შეუმცირდება, ეს, საჭიროების შემთხვევაში, მე და ჩემი მოადგილეები ვიქნებით", - დასძინა ჭანტურიამ.