ვინ არის ინა გუდავაძე

საზოგადოება - 18:23, 12 Dec, 2012

4268

ის არის ნახევრად ქართველი და ნახევრად რუსი, მართლმადიდებელი და 19 წლის განმავლობაში მუშაობდა თბილისში ტექნიკურ მთარგმნელად.
ქმრის სიცოცხლეში იგი ეხმარებოდა პატარკაციშვილს საქველმოქმედო საქმიანობის განხორციელებაში, დიზანსა და ლანდშაფტის კეთილმოწყობაში. გუდავაძე იხსენებს, რომ მხოლოდ ერთხელ, 1999-ში, მონაწილეობა მიიღო საგამომცემლო სახლ ''კომერსანტის'' შეძენაში.
გუდავაძე ძირითადად ლონდონში ცხოვრობს, თუმცა ხშირად ჩამოდის თბილისში, მის მფლობელობაშ მყოფ რეზიდენცია ''არკადიაში'', სადაც ბადრი პატარკაციშვილია დაკრძალული.
ყოფილი ქორწინების სახლი ერთერთი საინტერესო შენობაა ევროპაში. მისი ცენტრალური დარბაზი მეფე არტურის ''მრგვალ მაგიდას'' მოგვაგონებს და ამ შთაბეჭდილებას ამყარებს იქ განლაგებული ''სტოუნჰენჯი'', რომლის მოპირდაპირე კედელზე გამოფენილია იუდაიზმის სიმბოლოები, აქვე იხილავთ ვაზის გამოსახულებას. კედლებზე ოთხ ენაზე - ქართულზე, რუსულზე, ლათინურსა და ივრითზე მოხატულია წარწერა - ""მშვიდობა შემომსვლელს"". მეზობელი ოთახი არაბულ სტილშია მოწყობილი. ''ეს ყველაფერი ბადრი პატარკაციშვილის გემოვნებითაა მოწყობილი. მას არ შეეძლო საქართველოს გარეთ გასვლა და საკუთარ სახლში ''მოიწყო მსოფლიო'', - ამბობს გუდავაძე. ყველგან განთავსებულია ბადრი პატარკაციშვილის დიდი თუ პატარა სურათები და იქმნება შთაბეჭდილება, სადაც არ უნდა გაიხედო, თქვენ რეზიდენციის პატრონი გიყურებთ.