ამ წუთებში პოლიციის სამმართველოში დაკითხვაზე იმყოფებიან რეზო თაბუკაშვილი და გიორგი მგელაძე. ამის შესახებ ინფორმაციას „პირველი რადიო“ ავრცელებს. ლაშა თაბუკაშვილის განცხადებით, მისმა შვილმა თავად განუცხადა, რომ დაკითხვაზე შედიოდა:

„რეზოსთან საუბარი ვერ მოვასწარი, მე ახლა სამმართველოში ვარ დაკითხვაზეა რეზიკო და რაც მოხდა არანაირი გამართლება რეზიკოს ჩემი მხრიდან და ჩვენი ოჯახის მხრიდან არა აქვს. არაადეკვატურად მოიქცა, როგორი გაღიზიანებაც არ უნდა გამოეწვია მათ დანახვას ... მაინც ძალადობის წინააღმდეგი ვარ. გიო არაფერ შუაში არ არის. გიო ქვემოთ იყო როდესაც რეზიკო შიგნით შევიდა. რომ შევიდა 10 წამში მოხდა ყველაფერი. თვითონ გიოს ფიზიკურ დაპირისპირებაში არ მიუღია მონაწილეობა“, - განაცხადა ლაშა თაბუკაშვილმა.