წუხელ, მებრძოლები სატვირთო მანქანებით ლუგანსკის ოლქის მიმართულებით საზღვარზე შეიჭრნენ, იტყობინება უკრაინის სახელმწიფო სასაზღვრო სამსახურის პრეს-სამსახური.

"სამშაბათს, დაახლოებით 3:30 საათზე, მესაზღვრეებმა შენიშნეს კოლონა, რომლის შემადგენლობაშიც სატვირთოები, მსუბუქი ავტომობილები და მიკროავტობუსები იყვნენ. ის რუსეთის მხრიდან მიემართებოდა უკრაინის საზღვრისაკენ, რომელიც 3:40 საათზე გადაკვეთა. სასაზღვრო შემადგენლობა ცეცხლით შეხვდა. გაიმართა ბრძოლა. დამრღვევები ანტრაციტის მიმართულებით შეიჭრნენ. საბრძოლო მოქმედებების შედეგად დააზიანეს და შეიპყრეს ერტი მიკროავტობუსი და ორი მსუბუქი ავტომობილი, ერტი მებრძოლი მძიმედ დაჭრეს. დაკავებული მანქანები გავსებული აღმოჩნდა კალაშნიკოვის ავტომატებით, ყუმბარმტყორცნებითა და ნაღმებით", - ნათქვამია შეტყობინებაში.