შსს-ს ცენტრალური კრიმინალური პოლიციის დეპარტამენტის პირველი მთავარი სამმართველოს მესამე სამმართველოს პირველი განყოფილების თანამშრომლებმა,

ოპერატიული ინფორმაციის საფუძველზე ჩატარებული სამძებრო და საგამოძიებო ღონისძიებების შედეგად, სომხეთის რესპუბლიკის მოქალაქეები – 1984 წელს დაბადებული არმენ ა. და 1985 წელს დაბადებული მინას მ. დიდი ოდენობით ნარკოტიკული საშუალების ჯგუფურად უკანონო შეძენა-შენახვის ბრალდებით თბილისში დააკავეს.

სამართალდამცველებმა არმენ ა-ს პირადი ჩხრეკისას 1 შეკვრად დაფასოებული 1,88 გრ ნარკოტიკული საშუალება ამოიღეს, რომელიც ექსპერტიზის დასკვნით, კანაფის ფისს შეიცავს. მინას მ-ს პირადი ჩხრეკისას კი 11 შეკვრად დაფასოებული 7,77 გრ ნარკოტიკული საშუალება ამოიღეს, რომელიც ექსპერტიზის დასკვნით, კანაფის ფისს შეიცავს. მინას მ-სგან ასევე ამოღებულია 4 აბი და აბის ნატეხი, რომელიც ექპერტიზის დასკვნით, 0,0333 გრ ბუპრენორფინს შეიცავს.

ნარკოლოგიური შემოწმებით, დაკავებულებს მარიხუანის და ბუპრენორფინის მოხმარების ფაქტი დაუდგინდათ.

გამოძიება დიდი ოდენობით ნარკოტიკული საშუალების ჯგუფურად უკანონო შეძენა-შენახვის ფაქტზე მიმდინარეობს (საქართველოს სსკ-ის 260-ე მუხლის მე-2 ნაწილის ,,ა“ და ,,ბ“ ქვეპუნქტით).