ცხინვალის დეფაქტო პარლამენტი 28 მაისის სხდომაზე სავარაუდოდ 2004 და 2008 წლებში ქართული მხარის მოქმედებებთან დაკავშირებულ სამართლებრივ-პოლიტიკური დოკუმენტს განიხილავს. ინფორმაციას სააგენტო "რესი" ავრცელებს.

ე.წ. პარლამენტის სპიკერის სტანისლავ კოჩიევის თქმით, საპარლამენტო კომისიამ აღნიშნულ საკითხზე დიდი ოდენობით მასალები შეკრიბა.

"ცხელ გულზე დასკვნების გაკეთება კარგი არ იქნებოდა, მაგრამ უკვე ექვსი წელი გავიდა აგვისტოს ომიდან და საქართველოს ქმედებებს ობიექტური და გააზრებული შეფასება უნდა მიეცეს. ამდენი დროის გასვლის შემდეგ, არსებობს საფუძველი ვილაპარაკოთ დასაბუთებულ დასკვნებზე", – აღნიშნა კოჩიევმა. კომისია 2013 წლის 6 მარტს შეიქმნა.