თბილისის საქალაქო სასამართლო ე.წ. კონტრაბანდული სპირტის საქმეზე დავით კეზერაშვილს განაჩენს დღეს გამოუტანს. გადაწყვეტილება დღეს, 13:00 საათზე გამოცხადდება.

აღნიშნული სისხლის სამართლის საქმის ფარგლებში ბიზნესმენი კეზერაშვილს ბრალად ედება სპირტის კონტრაბანდა და 13 მილიონამდე თანხის ქრთამად აღება, რასაც ბრალდებული არ აღიარებს.

კეზერაშვილის ადვოკატს, შოთა მინდელს გამამართლებელი განაჩენის მოლოდინი აქვს.

დავით კეზერაშვილი, ქართული მხარის მოთხოვნის საფუძველზე, საფრანგეთში 2013 წლის 15 ოქტომბერს დააკავეს.

საფრანგეთის სასამართლომ საქართველოს თავდაცვის ყოფილი მინისტრის, დავით კეზერაშვილის ექსტრადირებაზე უარი განაცხადა და გაათავისუფლა.