უკრაინაში საპრეზიდენტო არჩევნების პარალელურად კიევის მერის არჩევნები ჩატარდა, სადაც, წინასწარი მონაცემებით, ვიტალი კლიჩკომ გაიმარჯვა, - ამის შესახებ პოროშენკომ განაცხადა, რომელმაც კლიჩკოს გამარჯვება უკვე მიულოცა და აღნიშნა, რომ ქვეყანაში რეფორმები კიევიდან დაიწყება.

კლიჩკომ მადლობა გადაუხადა კიეველებს და უკრაინელებს ქვეყანაში რეფორმების გასატარებლად ერთიანობისკენ მოუწოდა, ,,კიევი ნამდვილ ევროპულ ქალაქად იქცევა“, - განაცხადა კლიჩკომ.

გამარჯვებულმა საპრეზიდენტო კანდიდატმა პეტრე პოროშენკომ, საპრეზიდენტო არჩევნებთან დაკავშირებითაც გააკეთა განცხადება და აღნიშნა, რომ ვადამდელი საპარლამენტო არჩევნები ქვეყანაში წელს ჩატარდება.

,,უკრაინა სერიოზულ საპარლამენტო კრიზისშია და ის საჭიროებს დაუყოვნებლივ საპარლამენტო არჩევნებს. მე დარწმუნებული ვარ, რომ ის ამ წელს ჩატარდება“, - განაცხადა პოროშენკომ.