სატელევიზიო ეგზიტპოლის თანახმად, უკრაინის საპრეზიდენტო არჩევნებში პეტრე პოროშენკო 57,3 %-ით ლიდერობს. ეს ნიშნავს, რომ საპრეზიდენტო არჩევნების მეორე ტური არ გაიმართება.

ინფორმაციას ამის შესახებ "უნიანი" ავრცელებს.

ეგზიტპოლის თანახმად, მეორე ადგილზეა იულია ტიმოშენკო 12,4 %-ით ხოლო ოლეგ ლიაშკომ ამომრჩეველთა 8,7 % -თი მესამე ადგილი დაიკავა.

მეოთხე ადგილზე ანატოლი გრიცენკო გავიდა 6 %-ით. სერგეი ტიგიპკომ კი 4,4 % დააგროვა.

სატელევიზიო ეგზიტპოლის დროს მთლიანობაში 610 საარჩევნო უბანზე 20 ათასი ამომრჩეველი გამოიკითხა. პირველად უკრაინის ისტორიაში, საპრეზიდენტო არჩევნები არ გამართულა ქვეყნის მთელ ტერიტორიაზე, მათ შორის ყირიმსა და აღმოსავლეთ უკრაინაში, სადაც ანტიტერორისტული ოპერაცია გრძელდება.