ლალი მოროშკინასა და უჩა ნანუაშვილს შორის შეხვედრა რამდენიმე წუთის წინ დასრულდა. სასჯელაღსრულების მინისტრის ყოფილი მრჩეველი, დღეიდან სამსახურში აღდგენასთან დაკავშირებით სამართლებრივ ბრძოლას იწყებს.

ლალი მოროშკინამ სახალხო დამცველის აპარატში განცხადება უკვე დაწერა.

მოროშიკნა დიმიტრი დარბაისელის გადადგომის თემასაც გამოეხმაურა, როგორც თავად აცხადებს დარბაისელი სისხლის სამართლებრივ პასუხისგებაში უნდა მიეცეს.

მოროშიკნა დიმიტრი დარბაისელის წერილობით გაკეთებულ დღევანდელ განცხადებას ცინიკურს უწოდებს.

„თურმე სამშობლოს სიყვარულში იღვრება და ამხელა პრემიაც იმიტომ აიღო, რომ ღამეები არ ეძინათ, მინდა გითხრათ რომ ღამეები ნამდვილად არ გვეძინა, არც ბატონ სუბარს არც მის მოადგილეებს, არც ქალბატონ მაია ხასიას, არც მიხეილ ღურწკაიას, არავის არ მოგვსლია აზრად ამ თემით სპეკულირების და სამშობლოს სიყვარულის თავზე მოხვევა.

მან პირველ რიგში ის თანხები უნდა დააბრუნოს, რომელიც გატანილია, რამდენადაც ჩემთვის ცნობილია, სხვა პირს რომელბიც არიან ხელმომწერნი ამ თანხებზე არ აუღიათ და ე.წ. „ობშიაკი“იყო შეკრებილი, რომელიც დარბაისელის ჯიბეში დაილექა და ამ შემთხვევაში მან პასუხი უნდა აგოს სად წაიღო მილიონიანი შემოსავალი“,- განაცხადა ლალი მოროშიკნამ.