თავდაცვის სამინისტროს შესყიდვების დეპარტამენტის ყოფილ ხელმძღვანელს, ალექსანდრე ნინუას იარაღის უკანონო შეძენა-შენახვა-ტარების ბრალდებაზე საქალაქო სასამართლომ სამი წლით თავისუფლების აღკვეთა შეუფარდა. გადაწყვეტილება მოსამართლემ რამდენიმე წუთის წინ გამოაცხადა.

პროცესზე ნინუა მისი დაკავება პოლიტიკურ მოტივად შეაფასა. მისი თქმით, ის ადგილობრივი თვითმმართველობის არჩევნებში ცაგერის გამგებლად იყრის კენჭს და სწორედ ამ მოტივით დააკავეს.

"ძალიან კარგად ვიცი, რომ ვარ ადამიანი, რომელსაც ეს მთავრობა ციხიდან არ გაუშვებს. ბრიფინგები, რომელზეც ითქვა, რომ კეზერაშვილთან ერთად ვარ სხვადასხვა საქმეებზე ბრალდებული, არის სასაცილო. ეს ყველაფერი ხდება იმიტომ, რომ არჩევნებში მონაწილეობა არ მივიღო. ციხე საარჩევნო შტაბს დაამსგავსეს, "ოცნების" გარდა ყველა პოლიტიკური ძალის წარმომადგენელი ციხეშია. ეს სასამართლო პროცესები კი ჩვეულებრივი ცირკია", - განახცხადა ნინუამ.

თავდაცვის სამინისტროს ყოფილი მაღალჩინოსანი 2013 წლის 12 დეკემბერს, თავისუფლების მოედანზე იარაღის უკანონო შეძენა-შენახვა-ტარების ბრალდებით დააკავეს.