უკრაინის სამხერთ-აღმოსავლეთში სიტუაცია დღეს დილიდნ მკვეთრად გაუარესდა, დაძაბულობამ პიკს მიაღწია ლუგანსკის ოლქში, რუსმა ტერორისტებმა ოლქში სამხედრო მდგომარეობა გამოაცხადეს.

საინფორმაციო საფარველს ტერორისტებისთვის უზრუნველყოფს ,,რია ნოვოსტი“ და ,,ინტერფაქსი“. მოცემული განცხადების გაკეთებამდე ცოტა ხნით ადრე, სწორედ ამ სააგენტოების მეშვეობით ვრცელდებოდა ინფორმაცია, რომ რეგიონის ჩრდილოეთი კონტროლდება უკრაინის ნაციონალური გვარდიის მიერ და მიმდინარეობს გააფრთებული ბრძოლები რუს ტერორისტებსა და უკრაინის ძალისმიერ ქვედანაყოფებს შორის.

,,რია ნოვოსტის“ ინფორმაციით, ბრძოლები დაიწყო გვიან ღამით და გრძელდება ამ დრომდე. შეარაღებული შეტაკებები ხდება ქალაქებთან - რუბეჟნოე და ლიფიჩანსკი, ამის შესახებ ინფორმაცია ავრცელებს ,,ინტერფაქსი“ რუს ტერორისტებზე დაყრდნობით. ლიფიჩანსკი უცნობმა პირებმა ააფეთქეს ხიდი და მოგვიანებით დაიწყეს მშვიდობიანი მოსახლეობის მიმართულებით სროლა, - ირწმუნება ,,ინტერფაქსი“.

,,ჯერ-ჯერობით არაფერია ცნობილია დაღუპულებისა და დაზარალებულების შესახებ, თუმცა ცნობილია, რომ ადამიანები ტოვებენ საკუთარ სახლებს და გარბიან სამხრეთისკენ“, - დასძენს ,,ინტერფაქსი“.

უკრაინის შინაგან საქმეთა სამინისტროს პრესცენტრის ცნობით, დასტურდება, რომ უკვე 4 საათია მიმდინარეობს ლუგანსკში ბრძოლები, დაჭრილია 4 ადამიანი, რომელიც უკვე საავადმყოფოში გადაიყვანეს. მანვე დაადასტურა, რომ აფეთქებულია ხიდი, ბრძოლები ამ წუთებშიც გრძელდება. ლიფიჩანსკში დილიდან ისმის განგაშის სიგნალის ხმა. ქალაქის საბჭო მიმართავს მოსახლეობას, ნუ აჰყვებიან პანიკას და დარჩნენ სახლებში. შს სამინისტრო ხიდის აფეთქებაზე პასუხისმგებლობას რუს ტერორისტებს აკისრებს. ამ წუთისთვის ბრძოლები მიმდინარეობს მეორე ხიდთან.

ყველაფერი დაიწყო 21 მაიის საღამოს, როდესაც რუსეთის მხრიდან იყო მცდელობა რუსეთ-უკრაინის საზღვრიდან სპეცდანიშნულების ძალების მიერ საზღვრის გადაკვეთის. პირველი შეტრაკება მოხდა უკრაინის საზღვრის დაცვის სამსახურის წარმომადგენლებთან.

მესაზღვრეებმა რუსეთის ტეროტორიიდან შემოსული სპეცდანიშნულების რაზმის სამი შეტევა მოიგერიეს და აიძულეს თავდამსხმელები, უკან დაეხიათ. მესაზღვრეებს შორის არიან დაჭრილები. ადეკვატური რეაგირებისთვის, დაძაბულობის ზონაში, უკრაინის ძალისმიერი სტრუქტურებისა და სასაზღვრო სამსახურების მხრიდან, მიმდინარეობს დამატებითი ძალების გადასროლა, იგეგმება ერთობლივი მოქმედება ტერორისტების გასანადგურებლად, - ამის შესახებ იტყობინება ანტიტერორისტული ოპერაციის შტაბი.