დონეცკის ოლქში, ვოლნოვახთან, 8 უკრაინელი ძალოვანი დაიღუპა, 18 კი დაიჭრა. ამის შესახებ სამხედრო-პოლიტიკური კვლევის ცენტრის ხელმძღვანელი დიმიტრი ტიმჩუკი ფეისბუკზე წერს.

"რუბეჟნისა და ვოლნოვახთან ახლოს, უკრაინელ ძალოვანებსა და ტერორისტულ დაჯგუფებებს შორის შეტაკებები მოხდა. ანტიტერორისტული ოპერაციის ძალების მხრიდან არის მსხვერპლი. კერძოდ, ვოლნოვახთან, ჩვენი მონაცემებით, 8 უკრაინელი ძალოვანი დაიღუპა, 18 კი დაიჭრა", - დაწერა ტიმჩუკმა.

"აღსანიშნავია, რომ მოცემული დასახლებული პუნქტი მთავარი "ტერორიზმის კერისაგან" -სლავიანსკისა და კრამატორსკისაგან საკმარისად შორს მდებარეობს. იმ ფაქტის გათვალისწინებითაც, რომ ამ დროისათვის, ანტიტერორისტული ოპერაციის ზონაში საკმარისი ძალები და საშუალებებია კონცენტრირებული, კვლავ მწვავედ დგება ანტიტერორისტული ოპერაციის ხელმძღვანელთა კომპეტენტურობისა და ეფექტურობის საკითხი", - დასძინა ტიმჩუკმა.