რუსეთის თავდაცვის მინისტრმა ქვეყნის ჯარებს უკრაინის საზღვრების დატოვებისკენ მოუწოდა.

უკრაინული მედიის ცნობით, უკრაინის საზღვრებთან განლაგებულ რუს სამხედროებს გააცნეს სერგეი შოიგუს გადაწყვეტილება, დაუბრუნდნენ მუდმივი დისლოკაციის ადგილს.

"წვრთნების დასრულების შემდეგ, ქვედანაყოფები სარკინიგზო ტრანსპორტით დაუბრუნდებიან მუდმივი დისლოკაციის პუნქტებს", - ნათქვამია რუსეთის საგარეო საქმეთა სამინისტროს განცხადებაში.

რუსეთის პრეზიდენტმა ვლადიმერ პუტინმა ბრძანება გასცა, რომ როსტოვის, ბელგოროდისა და ბრიანსკის ოლქებში მიმდინარე სწავლების მონაწილე სამხედროები მუდმივი დისლოცირების ადგილებს დაუბრუნდნენ.