არგენტინაში დინოზავრების უნიკალური სამარხი აღმოაჩინეს.

პროვინცია ჩუბუტში მდებარე ერთ-ერთ ფერმაში მეცნიერებმა დაახლოებით შვიდი დინოზავრის ჩონჩხი იპოვეს, რომლებიც პალეონტოლოგების განცხადებით, ბევრად განსხვავდება წინა აღმოჩენებისგან.

სპეციალისტები ამბობენ, რომ თუ აქამდე, სხვადასხვა ექსპედიციის დროს ცალკეული ფრაგმენტების აღმოჩენა ხდებოდა, არგენტინის სამარხში თითქმის დაუზიანებელი ჩონჩხია ნაპოვნი, რაც მეცნიერებს პრეისტორიული არსებების შესახებ გაცილებით მეტი ინფორმაციის მიღების საშუალებას მისცემს.