მარტვილის რაიონის სოფელ ინჩხურში გერმა 71 წლის მამინაცვალი, ბიძაშვილის დაკრძალვის დღეს, სასაფლაოზე მოკლა.

დამნაშავე მამაკაცს ზურგიდან მიეპარა და დანით რამდენიმე ჭრილობა მიაყენა.

შემთხვევის შედეგად მამინაცვალი ადგილზე გარდაიცვალა.

მეზობლების ინფორმაციით, გერს და მამინაცვალს დაძაბული ურთიერთობა ჰქონდათ.

გარდაცვლილი გაფრთხილებული იყო, რომ სოფელში არ უნდა გამოჩენილიყო. როგორც თანასოფლელები ჰყვებიან, 25 წლის წინ გარდაცვლილმა მკვლელობაში ეჭვმიტანლის დედა ცოლად მოიყვანა, მიუხედავად იმისა, რომ ახლო ნათესავები იყვნენ. ამის გამო ისინი სოფლიდან გაასახლეს. მომხდარ ფაქტზე საქმე განზრახ მკვლელობის მუხლით არის აღძრული.