რუსი ოკუპანტები ყირიმში ცდილობენ, ძლიერი წინააღმდეგობა გაუწიონ ,,ომონის“, მილიციის და ვეტმფრენების ჩართვითაც კი ყირიმელი თათრების სამგლოვიარო მიტინგს. მსგავს აქციებში, რომელიც იმართება ყირიმის სხვადასხვა ქალაქებში, ,,საინფორმაციო წინააღმდეგობის“ ოპერატიული მონაცემებით მონაწილეობას იღებს დაახლოებით 60 ათასამდე ყირიმელი თათარი. ყველაზე მასშტაბური მიტინგი იმართება სიმფეროპოლში. მასში მონაწილეობს 20 ათასამდე ადამიანი, აგრეთვე ჩამოსულები ქერჩიდან, ჯანყოიდან და სხვა ქალაქებიდან.

როგორც უკრაინის სამხედრო პოლიტიკური კვლევების ცენტრის ხელმძღვანელი დიმიტრი ტიმჩუკი აცხადებს, ავტომაგისტრალებზე ქალაქების მისადგომებთან განლაგებულია გაძლიერებული ბლოკპოსტები. სხვადასხვა ხელოვნური მიზეზებით, მძღოლებზე, რომლებსაც ყირიმელი თათრები გადაჰყავთ, იწერება ოქმები. იყო მცდელობები მოქალაქეების დაკავების. ,,ჩვენი ინფორმაციით, ბლოკპოსტებს წინასწარ ჰქონდათ ინფორმაცია იმ მანქანების შესახებ, რომლითაც გადაადგილდებოდნენ ყირიმელი თათრები რუსეთის ფედერაციის ,,ეფ-ეს-ბეს“-გან“, - აცხადებს ტუმჩუკი.