ავთო შანთაძე თავდაცვის სამინისტროში არ მუშაობს

სამართალი - 17:40, 11 Dec, 2012

453

შეგახსენებთ, რომ დღეს ორგანიზაცია ,,ჩემი საქართველოს" თავმჯდომარის ელისო კილაძემ განაცხადა, რომ გლდანის #8 საპყრობილეში ფარული მიყურადების ოთახი დღესაც ფუნქციონირებს, ხოლო სასჯელაღსრულების დეპარტამენტის ყოფილი წარმომადგენელი ავთო შანთაძე, რომელიც დაწესებულებებში ფარულ ვიდეო-კამერებს კონტროლს უწევდა, დღეს თავდაცვის სამინისტროში მუშაობს.

ცნობისთვის, კილაძის თქმით, ფარული ჩანაწერები მას ლადო ბედუკაძემ გუშინ გადასცა, თავად ბედუკაძეს კი ეს ჩანაწერები სასჯელაღსრულების ერთ-ერთ დაწესებულების მოქმედმა თანამშრომელმა მიაწოდა.

,,ამ ოთახში შესვლის უფლება სულ რამდენიმე პირს ჰქონდა. აპარატურის და ვიდეო-კამერების მონტაჟს ახორციელებდა კერძო ფირმა, კონტროლს კი დეპარტამენტის წარმომადგენელი ვინმე ავთო შანთაძე უწევდა. შანთაძე #6 ციხის ხშირი სტუმარი იყო და ის არაერთხელ ახლდა გაგა მკურნალიძეს. 2008 წლის იანვრიდან კი სამსახური გავაგრძელე სასჯელაღსრულების #8 დაწესებულებაში, იქ დავუმეგობრდი უსაფრთოხების განყოფილების თანამშრომლებს. 2011 წელს კი კერძო საუბრისას ერთ-ერთმა გამანდო ასეთი რამ: ჩვენ ციხეში არის ოთახი საიდანაც 24-საათიანი მოსმენა და თვალთავლი ხორციელდებაო. მე გამახსენდა #6 ციხე და ვკითხე ამ თანამშრომელს იცნობდა თუ არა ვინმე ავთო შანთაძეს, მან მიპასუხა, რომ იცნობს და გლდანშიც ხშირად მოდიოდა და ფარულ ვიდეო-კამერებს ამონტაჟებდაო, მაგრამ ამჟამად მუშაობს თავდაცვის სამინისტროში და მის ადგილზე გიორგი გვენეტაძე დაინიშნაო", - აცხადებს ბედუკაძე.