მტაცებლები სხვადასხვა ხერხით მოქმედებენ. უმრავლესობა ტენიან ნიადაგში,ჭაობებსა და გუბეებში ბინადრობს,სადაც აზოტის უკმარისობას მწერების ხარჯზე ინაზღაურებენ. გამონაკლისია ევროპული ბუზიჭერია,რომელიც მშრალ,კლდოვან ადგილებშია გავრცელებული. პორტუგალიაში,სადაც ისინი ყველაზე ხშირად გვხვდება,მის ფოთლებს წებოვანი ქაღალდის მსგავსად ბუზების დასაჭერად იყენებენ.
მტაცებელ მცენარეებს ქლოროფილი აქვთ - ანუ, როგორც ყველა სხვა მწვანე მცენარე,ისინიც აწარმოებენ ორგანული ნივთიერებების სინთეზს. ყოველი მათგანი მოყვავილეა. თანაც ზოგიერთს განსაკუთრებით ლამაზი ყვავილი აქვს.თუმცა მწერების მისაზიდად ისინი სხვა სატყუარებით არიან აღჭურვილნი.ახასიათებთ მკვეთრი ფერები,რაც მწერებისთვის ნექტრის ადგილსამყოფელთან ასოცირდება.ხშირ შემთხვევაში მათი ხაფანგები უშვებენ ტკბილსუნიან სითხეს, ანდა ბუზების მისაზიდად გადამუშავებული მწერების სიმყრალეს.