უკრაინის გენერალურმა პროკურატურამ დონეცკისა და ლუგარსკის სახალხო რესპუბლიკები ტერორისტულ ორგანიზაციებად სცნო. დადგენილია ამ ორგანიზაციების ფინანსური არხები და არაღიარებული რესპუბლიკების ბოევიკების კავშირი არაერთ დანაშაულთან. ამ დროისთვის დგინდება მათი კავშირი ისეთ შეიარაღებულ ფორმირებებთან, რომლებმაც ჩაიდინეს დანაშაული სახელმწიფოსა და მოსახლეობის წინაშე.

ამის შესახებ განცხადება, დღეს, მეხუთე არხის ეთერში უკრაინის გენერალური პროკურორის მოადგილემ ნიკოლაი გოლომშამ გააკეთა.

შეგახსენებთ, რომ გაეროს ადამიანის უფლებების დარგში უმაღლესმა კომისარმა ნავი პილაიმ თავის მოხსენებაში აღნიშნული დაჯგუფებები და ზოგადად, უკრაინის აღმოსავლეთში სეპარატისტები შეაფასა, როგორც კარგად ორგანიზებული შეიარაღებული ჯგუფები, რომლებიც დამნაშავეები არიან მიზანმიმართულ მკვლელობებში, წამებებსა და გატაცებებში.