იმედგაცრუებული პაემანი და დაკავებული ქართველი

იმედგაცრუებული პაემანი და დაკავებული ქართველი - რა მოხდა ხარკოვში

სამართალი - 18:54, 16 May, 2014

5796

ხარკოველი ქალბატონის ხანმოკლე რომანი "ქართული საცეკვაო ანსამბლის სოლისტთან" დამთავრდა იმით, რომ ლამაზმანი ფულისა და ნოუთბუკის გარეშე დარჩა.

დამნაშავე 25 წლის მამაკაცი აღმოჩნდა.

მილიციას დაუკავშირდა 28 წლის დაზარალებული, რომელმაც მოუყვა, რომ აპრილის ბოლოს სოციალურ ქსელში ახალგაზრდა მამკაცი გაიცნო. ის კიევში ხანგრძლივ გასტროლებზე ჩასული პოპულარული ქართული საცეკვაო ანსამბლის სოლისტად წარუდგა. "ჩატში" მცირე ხნის მიმოწერის შემდეგ, მამაკაცმა შეხვედრის სურვილი გამოთქვა.

გოგონამ დაუფიქრებლად დაპატიჟა თავისთან სტუმრად. დიდხანს ლოდინი არ მოუწია, მალე "მოცეკვავე" ხარკოვში ჩავიდა. ის ისე მოეწონა ქალბატონს, რომ ახალ ნაცნობს დარჩენა შეთავაზა. ერთი კვირა ერთად ცხოვრების შემდეგ, დილით გაღვიძებულმა გოგონამ აღმოაჩინა, რომ სტუმარი გაქრა. თავდაპირველად, რომანტიკულ სიურპრიზს ელოდა, ყვავილების, ან საჩუქრის სახით. თუმცა, როდესაც აღმოაჩინა, რომ საყვარელთან ერთად ფული და ნოუთბუკი «ASUS» გაქრნენ, სასოწარკვეთილმა მილიციას მიმართა. მამაკაცმა ნაქურდალი, ქალაქის ერთ-ერთ ლომბარდში ჩააბარა. "მოცეკვავე-მაჩო" რეციდივისტი საქართველოდან აღმოჩნდა. "მას ცეკვასთან არაფერი საერთო არ ჰქონდა. დაკავების მომენტში ჩხრეკისას ოლქის დროებითი საცხოვრებელი ჰქონდა, სადაც მისი მეუღლე და ერთი წლის ქალიშვილი ცხოვრობენ.

ბოროტმოქმედმა აღიარა, რომ მსგავს "გასტროლებზე" არაერთხელ გამგზავრებულა, ამასთან გაცნობის ტაქტიკასა და ხერხს ფაქტობრივად არ ცვლიდა. ხოლო "დაიწვა" იმით, რომ ხარკოველმა, დანარჩენი მოტყუებული ქალებისგან განსხვავებით, მილიციას მიმართა", - განაცხადა მილიციის პოლკოვნიკმა სერგეი დენისენკომ. ნივთმტკიცებები - ნოუთბუკი და ფული - ამოიღეს. დანაშაულზე სასჯელი თავისუფლების სამ წლამდე აღკვეთას ითვალისწინებს.