აღმოსავლეთ ევროპის ქვეყნები ევროპისაგან სოლიდარობას ითხოვენ და არ სურთ, რომ რუსეთის წინააღმდეგ სანქციების გამო, ეკონომიკური სარგებელი მხოლოდ თვითონ დაკარგონ, წერს Bloomberg.

როდესაც დასავლეთ ევროპული კომპანიები შეთანხმებებს აფორმებენ რუსეთთან და თან მას მომდევნო სანქციებით ემუქრებიან, ეს "ფარისევლობაა", - განაცხადა სლოვაკეთის პრემიერ-მინისტრმა რობერტ ფიცომ ბრატისლავაში კონფერენციაზე.

ჩეხეთისა და უნგრეთის პრემიერებმა, ბოგუსლავ სობოტკამ და ვიქტორ ორბანმა განაცხადეს, რომ არ სურთ დაკარგონ ბიზნესის კეთების საშუალება, ხოლო მათმა პოლონელმა კოლეგამ დონალდ ტუსკმა ევროკავშირს ერთიანობის დემონსტრირებისა და რუსეთის ფედერაციის წინააღმდეგ სანქციების შედეგად დანაკარგების გაზიარებისკენ მოუწოდა.

"ჩვენ აქ სოლიდარობაზე ვსაუბრობთ, საფრანგეთი კი რუსეთს სამხედრო ხომალდებს ჰყიდის", - განაცხადა ფიცომ. ფიცოს თქმით, "უკრაინის ენერგეტიკული უსაფრთხოებისათვის დახმარების" განიხილვა, გაზპრომსა და "გერმანულ, ფრანგულ და იტალიურ კომპანიებს" შორის სამხრეთ ნაკადის შეთანხმების ხელმოწერის პარალელურად მიმდინარეობდა.

ხარჯები უნდა გადანაწილდეს სამართლიანად, მიიჩნევენ ევროკავშირის წევრი აღმოსავლელი ლიდერები.

"მსურს ვნახო სოლიდარობა მთელ ევროპაში და არა მხოლოდ იმ ქვეყნებს შორის, რომლებიც უკრაინას ესაზღვრებიან", - დასძინა ფიცომ.