სეპარატისტებმა ოფიციალურ კიევს ულტიმატუმი წაუყენეს, - ინფორმაციას რუსული მედია ავრცელებს. როგორც "რია ნოვოსტი" დონეცკის ე.წ. "სახალხო ამბოხების" წევრებზე დაყრდნობით აცხადებს, იმ შემთხვევაში, თუ უკრაინის სამთავრობო ძალები, 24 საათის განმავლობაში, დონეცკთან არსებულ ბლოკ-საგუშაგოებს არ დატოვებენ, ამბოხებულები სამხედრო ოპერაციას დაიწყებენ.

პრეზიდენტობის მოვალეობის შემსრულებელმა კი განაცხადა, რომ აღმოსავლეთ რეგიონებში ანტიტერორისტული ოპერაცია იმ შემთხვევაში შეწყდება, თუ ტერორისტები მძევლებს გაათავისუფლებენ და იარაღს ჩააბარებენ.

ცოტა ხნის წინ გავრცელდა ცნობა იმის შესახებ, რომ ბორისპოლის საერთაშორისო აეროპორტში, ანონიმური ზარის გამო, ევაკუაცია დაიწყეს. ადგილზე ნაპოვნია ასაფეთქებელი მოწყობილობაც.