მოსამართლემ პატიმრობის გაუქმების მოთხოვნაზე უარის თქმის მიზეზად საქმეში ახალი გარემოებების ჯერ-ჯერობით არარსებობა დაასახელა, ამასთან დასაკითხი არიან მოწმეები და არსებობს საფრთხე, რომ მათზე ზეწოლა მოხდეს.

შესაბამისად, ოქრუაშვილისთვის პატიმრობის გაუქმება მიზანშეწონილად არ იქნა მიჩნეული.

მოსამართლემ დააკმაყოფილა დაცვის მხარის ის შუამდგომლობა, რომელიც გიორგი ლოლუასა და გიორგი ხოსრუაშვილის დაკითხვას გულისხმობს. როგორც ადვოკატები აცხადებენ, ისინი თავდაცვსი სამინისტროს ლოჯისტიკის დეპარტამენტში მუშაობდნენ და მათ უშუალოდ ჰქონდათ შეხება ვაზნების შესყიდვასთან დაკავშირებით.

ირაკლი ოქრუაშვილს ბრალი ედება სამსახურებრივ გულგრილობაში. კერძოდ, ბრალდების თანახმად მისი თავდაცვის მინისტრობის პერიოდში შეძენილი იყო დიდი რაოდენობით უხარისხო ვაზნები.

მომდევნო პროცესი აღნიშნულ საქმესთან დაკავშირებით 26 დეკემბერსაა ჩანიშნული.