თურქეთის ენერგეტიკისა და ბუნებრივი რესურსების მინისტრმა თანერ ილდიზიმ განაცხადა, რომ პროვინცია მანისაში, სომას მაღაროში დაღუპულთა რიცხვი 282 ადამინამდე გაიზარდა.

ილდიზის თქმით, სომას მაღაროს შემთხვევა ქვეყნის ისტორიაში ყველაზე მსხვილია.

სომას მაღარო სტამბულიდან სამხრეთით 250 კილომეტრში, ორი კილომეტრის სიღრმეში მდებარეობს. წინასწარი მონაცემებით, მოხდა მოკლე ჩართვა, რომელმაც აფეთქება და ხანძარი გამოიწვია. იმ მომენტისთვის, მიწის ქვეშ 787 ადამიანი იმყოფებოდა.

თურქული მაღაროს Soma Komur-ის ოპერატორმა-კომპანიამ განაცხადა, რომ დაახლოებით 450 მაღაროელი გადაარჩინეს. სამაშველო ოპერაცია, რომელშიც 460 მაშველი მონაწილეობს, გრძელდება.