„დღეს ღამით, კრამატორსკთან, ანტიტერორისტული ოპერაციის ფარგლებში, ტერორისტების შენიღბული სამხედრო ბაზა მთლიანად განადგურებულ იქნა“, - განაცხადა უკრაინის პრეზიდენტი მოვალეობის შემსრულებელმა, უმაღლესი რადას თავმჯდომარემ ალექსანდრე ტურჩინოვმა პარლამენტის სხდომაზე.

გარდა ამისა, სპიკერმა აღნიშნა, რომ ამავე ღამეს ასევე შეტევა განხორციელდა და ტერორისტებისაგან გაწმენდილ იქნა სლავიანსკის მიმდებარე ტერიტორია.

ტურჩინოვის თქმით, ტერორისტებისგან გაწმენდილ იქნა ხუთკილომეტრიანი ზონა ტელეანძის ირგვლივ, რომელიც უკრაინული ტელევიზიის ტრანსლირებას ქალაქ სლავიანსკზე, კრამატორსკზე და დონეცკის ოლქის სხვა რაიონებზე ახდენს.