რუსეთის საგარეო საქმეთა მინისტრი სერგეი ლავროვი აცხადებს, რომ რუსეთი უკრაინის ნატოში გაწევრიანების კატეგორიული წინააღმდეგია. ლავროვმა აღნიშნულის შესახებ „ბლუმბერგთან“ ინტერვიუს დროს გააკეთა კომენტარი:

"უკრაინის ნატოში შეყვანა ძალიან ნეგატიური იქნება ევროპის მთლიანი უსაფრთხოების სისტემისთვის და ჩვენ ამის კატეგორიული წინააღმდეგი ვიქნებოდით", – აღნიშნა ლავროვმა. მისივე თქმით, ეს საკითხი უკრაინისა და ნატოს გარდა, რუსეთსაც ეხება.

რუსი მინისტრი ასევე მოითხოვს, უკრაინის მიერ გაეროს სიმბოლიკიანი ვერტმფრენების აღმოსავლეთ უკრაინაში გამოყენების ფაქტის გამოძიებას.