საქართველოს ყოფილმა პრემირმინისტრმა ვანო მერაბიშვილმა სააპელაციო სასამართლოში გამართულ პროცესზე განცხადება გააკეთა და მოსამართლეს განაჩენის ძალაში დატოვებისკენ მოუწოდა:

“მოსამართლე ხარჩილავამ დააკანონა ძალადობა, დააკანონა რუსული აგრესია და ის მოსამართლეები, ვინც მას მხარს დაუჭერენ, მზად არიან, ყველაფერზე მოაწერონ ხელი. მათ არ გააჩნიათ არც სინდისი და არც ნამუსი. მე ვარ შეურაცხყოფილი ასეთი განაჩენის გამოტანით, არ წამიკითხავს და კიდევ კარგი, არ წავიკითხე! ეს არის ხელმოწერა რუსული პროპაგანდის! მე აღშფოთებული ვარ, თუ რა დაწერა აქ მოსამართლემ. არაფერი მაინც არ დაეწერა და ისე ეთქვა, რომ ვანო მერაბიშვილი დამნაშავეა, ამას გავიგებდი, მაგრამ როცა ამას წერ, ეს არის უნამუსობა და უსინდისობა. მოგიწოდებთ, თქვენი შვილებისთვის, არა ჩემთვის, ძალაში დატოვეთ განაჩენი - მე უნდა ვიჯდე ციხეში, მაგრამ ასეთი სისულელე არ ჩაწეროთ!”, - მიმართა ვანო მერაბიშვილმა სააპელაციო სასამართლოს მოსამართლეს და პროცესი პროტესტის ნიშნად დატოვა.