თურქეთში გამოცხადდა სამდღიანი ეროვნული გლოვა მაღაროში მომხდარი აფეთქების გამო, რომლის შედეგადაც 200 ადამიანი დაიღუპა.

300-ზე მეტი მუშა კვლავ ნანგრევებშია ჩარჩენილი.

მაღაროს შესასვლელთან, საიდანაც დაშავებულები და დაღუპულები გამოჰყავთ, მაღაროელთა მრავალრიცხვოვანი ნათესაობა დგას. ბევრი მათგანი ტირის.

დაღუპულთა უმრავლესობა უგარის გაზით მოწამვლის გამო გარდაიცვალა. ამ დროისთვის, მაშველები მაღაროში ჟანგბადს ტუმბავენ, რათა ცოცხლები გადაარჩინონ.

თურქეთის ენერგეტიკის მინისტრმა თანერ ილდიზიმ განაცხადა, რომ გრძელდება ხანძარი, რომელიც მაშველებს მუშაობაში ხელს უშლის. აფეთქების დროს, მისი თქმით, მაღაროში 787 ადამიანი იმყოფებოდა.

აფეთქების მიზეზი მოკლე ჩართვა გახდა.