„მთელი ჩემი ცხოვრება რომ დამჭირდეს, არსად არ გავიქცევი და ბოლომდე ვიბრძოლებ სიმართლის დასადგენად", ამის შესახებ თავდაცვის ყოფილმა მინისტრმა ბაჩო ახალაიამ საქალაქო სასამართლოში ე.წ. ნავთლუხის სპეცოპერაციის საქმის განხილვისას განაცხადა.

მისი თქმით, მას აღკვეთ ღონისძიებად პატიმრობა სამჯერ ჰქონდა შეფარდებული, აღნიშნულმა მოსამართლემ აღკვეთი მეოთხედ შეუფარდა, რაც, "ადამიანურ ლოგიკაში არ ჯდება". ამიტომ ახალაია ე.წ. ნავთლუღის სპეცოპერაციის საქმის მოსამართლის, მერაბ ჯორბენაძის აცილებას ითხოვს.

"ვიჯექი ციხეში და სამი პატიმრობა მქონდა შეფარდებილი. ამ პირობებში მოსამართლემ მეოთხედ შემიფარდა პატიმრობა 2013 წელს. ადამიანს ერთხელ, რომ დახვრეტენ, მეორედ აღარ ხვრეტენ. ერთხელ, რომ მოკლავ, მეორედ რიგორ მოკლავ. თქვენ მინიმუმ მიიღეთ ზედაპირული გადაწყვეტილება ან უკცრავად და, გარკვეული პოლიტიკური მოტივების გამო მოიწონეთ თავი. იმ გადაწყვეტილების შემდეგ, არ გაქვთ მორალური უფლება, ჩემი საქმე განიხილოთ. ჩემთვის მეოთხედ დაპატიმრების გადაწყვეტილება თქვენ მიიღეთ იმ მოტივით, რომ ჩემი გაქცევის საფრთხე არსებობდა. მთელი ჩემი ცხოვრება, რომ დამჭირდეს, არსად არ გავიქცევი და ბოლომდე ვიბრძოლებ სიმართლის დასადგენად", - განაცხადა ბაჩო ახალაიამ.