გუშინ, კრამატორსკთან ახლოს, უკრაინელ სამხედროებსა და პრორუს სეპარატისტებს შორის შეტაკება მოხდა. ამის შესახებ ფეისბუკის საკუთარ გვერდზე, სამხედრო-პოლიტიკური კვლევების ცენტრის ხელმძღვანელი დიმიტრი ტიმჩუკი წერს. თავდაცვის სამინისტროს მონაცემებით, უკრაინის შეიარაღებული ძალების 6 სამხედრო მოსამსახურე დაიღუპა, 8 კი დაიჭრა.

"დაახლოებით 13:00 საათზე, კრამატორსკიდან 20 კილომეტრში, დასახლებული პუნქტის დიმიტროვკის რაიონში, უკრაინის შეიარაღებული ძალების აერომობილური ბრიგადის 95-ე ქვედანაყოფი, რომელიც ანტიტერორისტულ ოპერაციაში მონაწილეობს, მოხვდა მებრძოლების მიერ მოწყობილ ჩასაფრებაში. წინასწარი მონაცემებით, ტერორისტებმა ნაღმტყორცნებით გაანადგურეს სამრძოლო საშუალებებით დატვირთული სატვირთო მანქანა, რის შემდეგაც ბრძოლა გაიმართა. ერთდროულად, კრამატორსკიდან სეპარატისტების დასახმარებლად ავტობუსით 30-40 მებრძოლი ჩავიდა, ხოლო ვერტმფრენებით დამხმარე მედესანტეები გადაისროლეს", - იტყობინება ტიმჩუკი.

უკრაინის თავდაცვის სამინისტროს ცნობით, ყველა დაჭრილი და დაღუპული ევაკუირებულ იქნა. თავდამსხმელთა შორის დანაკარგებზე ცნობები არ არის.