"ჯანმრთელობისა და ალკოჰოლის სფეროში 2014 წლის გლობალური ანგარიშის" მონაცემებით, რომელიც მსოფლიო ჯანდაცვის ორგანიზაციამ 12 მაისს გამოაქვეყნა, 2012 წელს მსოფლიოში, ალკოჰოლის მოხმარების გამო 3,3 მილიონი ადამიანი დაღუპა. ეს უფრო მეტია, ვიდრე შიდსის, ტუბერკულოზისა და ძალადობისაგან გამოწვეული სიკვდილის ოდენობა ერთად აღებული.

ანგარიშის მიხედვით, საშუალოდ, 15 წელს ზემოთ თითოეული ადამინი ყოველწლიურად 6,2 ლიტრ სუფთა სპირტს სვამს.

როგორც ორგანიზაციის ექსპერტებმა დაადგინეს, აღმოსავლეთ ევროპაში ალკოჰოლის მოხმარების ყველაზე მაღალი მაჩვენებელია. ბელორუსში ერთ ადამინზე წელიწადში 17,5 ლიტრი სუფტა სპირტი მოდის. მეორე ადგილზე მოლდოვას მოქალაქეები მოდიან (16,8 ლიტრი), მესამეზე - ლიტველები (15,4 ლიტრი). რუსები (15,1) სიაში მეოთხე ადგილზე აღმოჩნდნენ. მეხუთე ადგილი რუმინეთმა დაიკავა, მეექვსე - უკრაინამ, შემდეგ მოდიან ანდორა, უნგრეთი, ჩეხეთი და სლოვაკეთი.

საქართველოს, ევროპის მასშტაბით, ერთ-ერთი ყველაზე დაბალი მაჩვენებელი - 7,7 ლიტრი აქვს. სომხეთს კიდევ უფრო ნაკლები - 5,3, ხოლო აზერბაიჯანს - 2,3.